Bec'h d'ar billig evit Gouel ar Gouloù !

 

D'ar gwener 3 a viz C'hwevrer e vo lakaet bec'h war ar billig, evel bep kentañ gwener ar miz er Presbital Kozh. Met lidet e vo Gouel ar Gouloù war an dro.

Daou abeg a-zoare da zebriñ krampouezh neuze ! Hag e brezhoneg evel-just !

 

Degasit evaj ha boued da lakaat war ar c'hrampouezh (kig-sall, vioù, fourmaj-laezh, boued-touseg, kaotigell, chokolad, mel,...), an toaz gwinizh-du ha gwinizh-gwenn a vo graet ganeomp.

 

E-kerzh an nozvezh e vo tu kanañ, c'hoari a-stroll ha flapañ forzh pegement, gant ma vo e brezhoneg !

 

Kroget e vo ganti adalek 7 eur noz evit ur banne digor-kalon da c'hortoz ma vo tomm ar pilligoù.

 

Digor d'an holl vrezhonegerien, kozh pe yaouank, ampart war ar yezh pe o teskiñ c'hoazh.

 

Ken voc'h gwelet er Presbital Kozh neuze !

Commentaires : 0 (Discussion fermée)
    Aucun commentaire pour le moment.